Ганцавіцкі раённы Дом рамёстваў прыняў удзел у 26-й Міжнароднай вясенняй выставе турыстычных паслуг «Адпачынак-2024».
Выстава праходзіла з 18 па 20 красавіка ў культурна-спартыўным комплексе «Мінск-Арэна». Гэта самая буйная турыстычная выстава Беларусі ў катэгорыі «Турызм і адпачынак». Выстава ўяўляе сабой міжнародную дзелавую пляцоўку для краін, рэгіёнаў і турыстычных кампаній з усяго свету, якія прэзентуюць прадукты і паслугі на беларускім рынку.
Сваю творчасць і свой турыстычны патэнцыял годна прадставілі на выставе-кірмашы «Адпачынак-2024» майстры Ганцавіцкага раённага Дома рамёстваў. З мэтай папулярызацыі народнай дэкаратыўна-прыкладной творчасці і знаёмства турыстаў з самабытнай беларускай культурай нашага рэгіёну былі арганізаваны майстар-класы, падчас якіх кожны жадаючы змог павучыцца ў народных майстроў Ніны Казак і Вольгі Івановіч азам ткацтва і традыцыйнага роспісу.
Дом рамёстваў прадставіў шырокай публіцы свае творчыя набыткі – прыгожыя вы¬ра¬бы ручной работы з нацыя¬нальнай адметнасцю і мяс¬цовым каларытам.
Наталля БІЛІМАВА,
малодшы навуковы супрацоўнік ДУК «Ганцавіцкі раённы Дом рамёстваў»
Оставить комментарий